ویډیو

افغان او امریکایي پوځي چارواکي د افغان او امریکایي ځواکونو د ګډو عملیاتو په اړه د حکومت د اطلاعاتو او رسنیو په مرکز کې رسنیو ته معلومات ورکوي

 

چاپي خپرونې

  • خبرپاڼه


خبرپاڼه ۱۸ مه ګڼه

faceBook icon twitter icon flicker icon youtube icon
image image image image
د اقتصاد د عالي شورا په ناسته کې د کجکي بند د دوهم فاز د پروژې د طرحې به اړه خبرې وشوې
د اقتصاد عالي شورا شپاړسمه ناسته د دوشنبې په ورځ د روان کال د لیندۍ په ۲۰ مه نېټه د محمد اشرف غني په مشرۍ جوړه شوه. په دې ناسته کې د کجکي بند د دوهم فاز د پروژې د طرحې د حقوقي اړخونو د څېړنې په اړه ټینګار وشو. اجمل عبدالرحیم زي، د مالې وزارت ویاند، چې د سه شنبې په ورځ یې د حکومت د اطلاعاتو او رسنیو په مرکز کې د یوه خبري کنفرانس پر مهال د اقتصاد د عالي شورا د سپاړسمې ناستې د مصوبو د پایلو په اړه رسنیو ته معلومات ورکول زیاته کړه، " خلک به ډېر ژر د کجکي بند د دوهم فاز د تړون د لاسلیک شاهدان وي." د هغه په خبره د کجکي بند لومړی فاز اوس مهال د ۵۱ میګاواټه په ظرفیت فعالیت کوي، چې د دې بند د دوهم فاز د چارو په بشپړېدو سره به د برېښنا د تولید ظرفیت ۱۵۱ میګاواټو ته لوړ شي.
د اقتصاد عالي شورا همداراز د قیمتي او نیمه قیمتي ډبرو د پروسس، سوداګرۍ او د قاچاق د مخنویي په موخه د یوه مرکز د رامنځته کیدو په اړه هوکړه کړې ده. ښاغلي عبدالرحیم زي وویل، چې د مالیې او کانونو وزارتونو د نړیوال بانک په مرسته د یاد مرکز د رامنځته کېدو په اړه څېړنې کړې او یاد وزارتونه یې پر میکانیزم او تطبیقي پلان باندې کار کوي.
د اقتصاد عالي شورا په شپاړسمه ناسته کې د کیمیاوي سرې د کیفیت د څېړنې په موخه د یوې کمېټې د جوړیدو پرېکړه هم وشوه تر څو د کیمیاوي سرې څخه د ګټې اخیستنې او بیې په اړه لازمې پریکړې تر سره کړي.
د کلیو پراختیا او بیارغونې وزارت په وروستیو درې کلونو کې ۵۰۰ ښوونځي جوړ کړي دي
د کلیو پراختیا او بیارغونې وزارت په وروستیو درې کلونو کې د هیواد په کلیو او بانډو کې ۵۰۰ ښوونځي جوړ کړي دي. د کلیو پراختیا او بیارغونې وزارت ویاند، اکبر رستمي، د شنبې په ورځ د حکومت د اطلاعاتو او رسنیو په مرکز کې د یوه خبري کنفرانس پر مهال وویل: د کلیو پراختیا او بیارغونې وزارت په یاده موده کې د هیواد په بېلا بېلو برخو کې ۵۰ کلینیکونه هم د کلیو د خلکو د استفادې لپاره جوړ کړي دي.
د کلیو پراختیا او بیارغونې وزارت پر دې سربېره د څښلو د پاکو اوبو، کرنې، اوبو لګولو، ترانسپورټ او روغتیا په برخه کې ۴۱ زره پروژې بشپړې کړې، چې په کلیو کې ۱۲ میلیونه او ۴۰۰ زره وګړي ګټه ور څخه پورته کوي.
د ښاغلي رستمي په وینا، د کلیو پراختیا او بیارغونې وزارت د پروژو د تطبیق له امله په ټولیز ډول ۱۳۳ زره دندې رامنځته کړي، چې له دې جملې ۸۰ زره یې ښځو ته ځانګړې شوې دي.
د کلیو پراختیا او بیارغونې وزارت له تېرو دوو کلونو راهیسې د ښاري میثاق پرګرام په لار اچولی، چې د ۴۰ میلیونه امریکایي ډالرو په لګښت سره یې په ټولیز ډول ۱۲۰۰ کلي د یاد پرګرام تر پوښښ لاندې راوستلي دي. د دې وزارت ویاند وایي: تمه ده چې په راتلونکي کال کې هم ۴ زره کلي د ښاري میثاق د پرګرام تر پوښښ لاندې راولي.
د بودجې د لګښت په برخه کې هم یاد وزارت له وتلیو وزارتونو څخه دی، چې تر دې مهال یې خپله ۷۹ سلنه بودجه لګولې ده.
###
د دولت په ګټه د ۳۶ زره جریبه دولتي ځمکو د قضییو حلول
عدلیې وزارت د ۱۳۹۳ مالي کال له پیل څخه د ۱۳۹۶ کال د غبرګولي د میاشتې تر وروستۍ نېټې پورې د ۳۶ زره جریبه دولتي ځمکو، څه باندې ۶۹ میلیونه امریکایي ډالرو او له ۲ میلیارده او څلور سوه میلیونو زیاتو افغانیو په ارزښت یو شمېر قضیې د دولت په ګټه فیصله کړي دي. عبدالبصیر انور، د عدلیې وزیر، چې د شنبې په ورځ د روان کال د لړم په ۱۳ مه نېټه یې د حکومت د اطلاعاتو او رسنیو په مرکز کې د یوه خبري کنفرانس پر مهال د دغه وزارت د لاسته راړونو په اړه خبرې کولې زیاته کړه: د ۶۷۵ بابه دکانونو، ۳۰ کورونو، ۸۶۷ حقابو، ۴۸۲۰ لېتره ډیزلو، ۲۵۰۰ لیتره پترولو او ۱۳ زره یورو په ارزښت اړوند قضیې یې هم د دولت په ګټه فیصله کړې دي.
د ښاغلی انور په خبره، عدلیې وزارت تر دې مهاله ۶۵ سیاسي حزبونه او ۲۹۴۰ ټولنیز بنسټونه ثبت کړي دي، چې سیاسي حزبونو، ټولنیزو بنسټونو، عریضه لیکونکو، د معاملاتو د لارښونو دفترونو ته د جوازونو د ورکړې له لارې یې ۴۱ میلیونه او ۲۱۲ زره افغانۍ تر لاسه کړي دي.
له انساني قاچاق سره د مبارزې په برخه کې هم دا وزارت د پام وړ لاسته راوړنې لري، چې مهم یې د کډوالو او انساني قاچاق سره د مبارزې د قانون تعدیل او اصلاح او دامنیتي ادارو لخوا د ۱۴۹۲ تنو انساني قاچاقبرانو نیول او قضایي ارګانونو ته د هغوی سپارل دي.
د عدلیې وزیر وویل، تر دې مهاله ۴۰۵ تنه د انساني قاچاق په تور محاکمه شوي او د انساني قاچاق ۱۱ زره او ۲۷۷ تنو قربانیانو ته د عامې روغتیا، کار او ټولنیزو چارو وزارتونو لخوا د کاري فرصت زمینه برابره شوې ده.   
د عدلیې وزیر همداراز وویل، د ملي یووالي حکومت له پیل څخه تر دې مهاله د بګرام د عدلي او قضایي مرکز په ګډون د هیواد په کچه په عدلي او قضایي ارګانونو کې د څه باندې ۲۲ زره بې وزلو تورنو کسانو له حقونو څخه دفاع شوې ده، چې له دې جملې څخه ۲۱۸۰ تنو برائت تر لاسه کړی دی. هغه همداراز په یاد وزارت کې د (۱۸۸) په تیلیفوني شمېرې د حقوقي مشورو د ورکړې د مرکز د رامنځته کولو خبر ورکړ او ویې ویل: چې تر دې مهال ۵۰۷ هیوادولو تیلیفوني اړیکې ځواب او حقوقي مشورې ورکړل شوي دي.   
###
د مخدره توکو پر وړاندې د همغږې مبارزې په موخه د سیمه ییزو کارپوهانو ناسته
د سیمه ییزو کارپوهانو کاري ډلې ناسته نن دوشنبه د تلې ۱۷مه له مخدره توکو سره د مبارزې په موخه جوړه شوه.
د مخدره توکو د قاچاق، کښت او تولید په موخه د ګډو همکاریو پيژندل، د سیمه ییزې کاري ډلې جوړول، د مخدره توکو پر وړاندې د سیمه ییزې استراتیژۍ وړاندې کول، د بدیل معیشت د بریالیو موډلونو شریکول، د کرنیزو محصولاتو لپاره د ګډ بازار رامنځته کول او د سوداګریزو بندیزونو لرې کول د دې ناستې له مهمو موخو څخه شمیرل کیږي.
مخدره توکو سره د مبارزې وزارت د پالیسۍ او همغږۍ مرستیال جاوید احمد قایم د ناستې ګډونوالو ته وویل، چې نا امني د کوکنارو کښت او تولید ته زمینه برابروي. خو د ده په وینا که چیرې د سیمې هېوادونه له مخدره توکو سره د مبارزې په برخه کې مرسته وکړي، کولای شي، چې د مخدره توکو د تولید، کښت او قاچاق پر ستونزو بریالي شي.
نوموړي زیاته کړه، چې د مخدره توکو پر وړاندې مبارزه چې د افغان دولت د استراتیژۍ اصلي موخه ده په خپلو کې همغږي، سیاسي ژمنې او تعهدات او د مخدره توکو په وړاندې د سیمې د هېوادونو ګډه همکاري په بر کې نیسي.
د تاجکستان د جمهوري ریاست د مخدره توکو د اژانس مشر سیف الله ظفرزاده د ناستې ګډون والو ته وویل، د دوی څېړنې ښيي چې په افغانستان کې د ۲۰۱۳ کال په پرتله په ۲۰۱۶ کال کې د مخدره توکو تولید، کښت او قاچاق راټیټ شوی دی.
د مخدره توکو پر وړاندې مبارزه کې د سیمه ییزو لوړپوړو کارپوهانو ناسته کې مخدره توکو سره د مبارزې اړوند دولتي ادارو او د ایران، تاجکستان، پاکستان، هندوستان، متحده عربی امارات، ازبکستان، ترکمنستان، روسیه، چین، ترکیه، قرغزستان، قزاقستان هېوادونو استازو پکې ګډون کړی ؤ پدې برخه کې به خپل وړاندیزونه او تجارب شریکوي.